Канал 5

Регионалната соработка меѓу обвинителствата во фокусот на конференција за постапување по предмети за воени злосторства во Скопје

Wednesday, September 23, 2026 12:59 PM

Главните јавни обвинители и обвинители кои постапуваат по предмети за воени злосторства од Западен Балкан, како и претставници на Меѓународниот резидуален механизам за кривични трибунали во Хаг, учествуваат на дводневната Регионална конференција на обвинители за соработка во постапките за воени злосторства, која денес започна во Скопје.

Конференцијата ја продолжува традицијата на регионални средби на обвинителските професионалци и обезбедува платформа за размена на искуства, подобра комуникација и зајакнување на практичната соработка и меѓусебната правна помош меѓу обвинителските институции од Западен Балкан.

Посебен фокус е ставен на соработката во истрагите и постапките за воени злосторства, вклучително и размената и преносот на предмети и докази меѓу различни јурисдикции. Истовремено, конференцијата овозможува размена на искуства од други кривични постапки и дискусија за практични пристапи за надминување на заедничките предизвици во регионалната правосудна соработка.

Конференцијата ја отвори Ненад Савески, државниот јавен обвинител, кој истакна: „Нас нè обединува не само нашата професија, туку и нашата заедничка, морална и законска должност. А тоа е борбата против неказнивоста за најтешките злосторства против човештвото. Освен тоа, како јавни обвинители, нашиот примарен мандат не е само да ги казниме сторителите, туку да им дадеме глас и да ги заштитиме жртвите“.

Тој потенцираше дека одговорноста, дури и за најтешките кривични дела е индивидуална, а преку јасно лоцирање на вината на поединците, се придонесува за подобро разбирање и соживот на идните генерации.

Во текот на дводневната конференција, учесниците ќе разговараат за напредокот, предизвиците и новите прашања во регионалната соработка во постапките за воени злосторства. Дел од дискусиите ќе бидат посветени на собирањето и преносот на докази меѓу различни јурисдикции во предмети за воени злосторства и други тешки кривични дела, со посебен осврт на законитоста, прифатливоста и квалитетот на доказите.

Роберта Кортезе, раководителка на Секторот за операции 1 при Делегацијата на Европската Унија во Северна Македонија, изјави: „Европската Унија придава големо значење на правдата, отчетноста и владеењето на правото во Западен Балкан. Тоа се темелни европски вредности, но и суштински елементи на процесот на европска интеграција.

Во овој контекст, утврдувањето на одговорноста за воените злосторства е од особено значење. Изминувањето на времето не ја намалува одговорноста на институциите да постапуваат по тешките кривични дела и да обезбедат правда за жртвите и преживеаните. Затоа, Европската Унија силно ги поддржува напорите за зајакнување на соработката меѓу обвинителствата и правосудните институции во регионот.

ЕУ го препознава поврзувањето на правдата, регионалната соработка, помирувањето и вклучувањето на граѓаните како важен дел од европската перспектива на Западен Балкан.“

На агендата е и примената на принципот non bis in idem во прекугранични предмети и правните аспекти при повторно отворање предмети кои биле затворени во друга јурисдикција. Посебна сесија е посветена и на идната соработка на Меѓународниот резидуален механизам за кривични трибунали со јурисдикциите во регионот, по одлуката на Советот за безбедност на Обединетите нации во однос на неговиот мандат.

Постојаниот претставник на УНДП во Северна Македонија Армен Григорјан, нагласи: „Правдата не зависи само од формалните механизми, туку и од силните професионални врски, довербата и континуираната соработка меѓу институциите. Токму затоа, преку проектот ‘Поддршка на ЕУ за градење доверба во Западен Балкан’, финансиран од Европската Унија, создаваме простор обвинителите и другите правосудни професионалци од регионот да разменуваат искуства, да разговараат отворено за практичните предизвици и да ја зајакнуваат меѓусебната соработка. Нашата заедничка цел е правда која е професионална, кредибилна, заснована на човековите права и насочена кон потребите на жртвите,“ изјави Григорјан.

Конференцијата се организира во рамките на проектот „Поддршка на ЕУ за градење доверба во Западен Балкан“, финансиран од Европската Унија и имплементиран од Програмата за развој на Обединетите нации УНДП. Една од главните цели на проектот е зајакнување на владеењето на правото и поддршка на ефективната регионална соработка во постапувањето по предмети за воени злосторства и други тешки кривични дела, со примена на пристап заснован на човековите права и насочен кон потребите и правата на жртвите.

Конференцијата ќе заврши на 24 септември со усвојување заклучоци и препораки, со цел дискусиите и разменетите искуства да се преточат во практични насоки за натамошно унапредување на соработката меѓу обвинителските институции во регионот.

Рубио: „Знаеме како ќе заврши војната во Украина“

Wednesday, September 23, 2026 12:55 PM

Затоа, додаде тој, има целосна логика таа да се запре. „Но, за жал, во надворешната политика и во вакви прашања, она што е логично не е секогаш она што навистина се случува“, истакна Рубио.

Според него, американскиот претседател Доналд Трамп изјавил дека Америка „ќе продолжи да презема активности“.

„Значи, секаде каде што постои можност за напредок и за надминување на јазот меѓу двете страни, претседателот ќе биде подготвен да го стори тоа. И ние ќе продолжиме да се обидуваме да го постигнеме тоа“, додаде Рубио.

Американскиот државен секретар исто така рече дека војната на Русија против Украина нема да заврши со воена победа за ниту една од страните, туку преку преговори: „Таа нема да заврши со одлучувачка воена победа за едната или за другата страна. Ќе заврши со договор постигнат преку преговори. И колку побрзо се случи тоа, толку помалку животи ќе бидат загубени и помало ќе биде уништувањето“.

Извор: Б92

СДСМ: Арамијата Мицкоски ги турна земјоделците во длабока криза - мерките на СДСМ се спас

Wednesday, September 23, 2026 12:45 PM

Нема откуп. Родот им скапува на нивите. А и тоа малку што се откупува, се плаќа по понижувачки цени.

Земјоделците работат од утро до мрак, вложуваат сè што имаат, а на крајот не можат ниту да ги покријат трошоците.

Сите земјоделци се погодени од лошите и криминални политики на Арамијата Мицкоски.

Затоа, поднесовме Закон за финансиска поддршка на земјоделците.

Сега кога им е неопходна.

За лозарите - 8 денари за секој килограм произведено и продадено грозје од сортите „Вранец“ и „Кратошија“.

За оние кои нема да успеат да го продадат грозјето – 300.000 денари по хектар за пријавни лозови насади.

-За производителите на пиперка „ајварка“ 10 денари по килограм продадена пиперка, плус 200.000 денари по хектар за евидентираните засадени површини.

-За производителите на пченица 5 денари по килограм, без разлика дали пченицата е продадена на регистриран откупувач или е складирана во евидентиран склад.

-За сточарите 8.000 денари по грло говедо за производство на млеко и месо.

-За оризарите 10 денари по килограм произведена и продадена оризова арпа кај регистриран откупувач во 2026 година.

Корисници ќе бидат и земјоделските стопанства регистрирани во Единствениот регистар на земјоделски стопанства.

Земјоделството е производство, егзистенција и сигурност за илјадници семејства.

Не да се распродава македонската земја зa туѓи профити.

Не земјата и водата да им се ставаат на располагање на туѓи бизнис-интереси.

Не луѓето што произведуваат храна да се оставаат без земја, без вода, без откуп и без поддршка.

Поддршка за земјоделците сега!

Да, за Македонија да застане зад оние кои ја хранат!

Прес конференција на СДСМ, Симона Цветаноски – членка на ИО

Скопје, 23.09.2026

СДСМ

11 загинати во масовно пукање во Квамахута: Полицијата открива детали за нападот

Wednesday, September 23, 2026 12:35 PM

Пукањето се случило во Квамахута, јужно од Дурбан, објави јужноафриканскиот ТВ-канал „eNCA“, напоменувајќи дека меѓу жртвите имало и бремена жена.

„Жртвите, меѓу кои и бремена жена, биле собрани во една куќа, нешто пред 23 часот, кога вооружени напаѓачи упаднале на местото и отвориле оган“, изјави за медиумите премиерот на провинцијата Квазулу-Натал, Тамсанга Нтули, додавајќи дека две лица го преживеале нападот.

Според првичните информации, двајца напаѓачи упаднале во домот каде што имало 14 лица и отвориле оган. Десет лица загинале на самото место, додека единаесеттата жртва им подлегнала на повредите при транспортот кон болницата.

🚨 BREAKING: 11 killed, 3 injured in KwaMakhutha mass shooting

Three armed men reportedly stormed a house in the Ziko area, south of #Durban, late Tuesday night and opened fire. A pregnant woman was among those killed.#Mnakwethu Senzo Mchunu #MorningLive pic.twitter.com/IpqN35EmlE
— Africa Affair (@affair_africa) September 23, 2026

Пред да побегнат од местото на настанот, напаѓачите го запалиле возилото на сопственикот на куќата.

Според соопштението на полицијата во Квазулу-Натал, прелиминарната истрага открила дека некои од жртвите биле под надзор на полициските разузнавачки служби поради сомневања за незаконски активности, чии детали полицијата не можела да ги открие.

„Иако мотивот за пукањето сè уште не е потврден, не може да се исклучи можноста за судир меѓу ривалски групи“, се наведува во полициското соопштение.

🚨 BREAKING: 11 killed, 3 injured in KwaMakhutha mass shooting

Three armed men reportedly stormed a house in the Ziko area, south of #Durban, late Tuesday night and opened fire. A pregnant woman was among those killed.#Mnakwethu Senzo Mchunu #MorningLive pic.twitter.com/IpqN35EmlE
— Africa Affair (@affair_africa) September 23, 2026

Финале на Скопски градски фестивал: Васко Атанасовски и полифонија во петок

Wednesday, September 23, 2026 12:26 PM

Зад фестивалот се неколку исклучителни концертни вечери, секоја со свој карактер, звук и енергија. Уметници од шест земји, премиерни изведби, нови музички соработки и различни генерации музичари ја создадоа годинашната фестивалска приказна, во која се сретнаа џезот, класичната музика, современото авторско творештво и музичките традиции на Балканот.

Силно фестивалско доживување донесоа Мартин Ѓаконовски, Gent Rushi и Thanos Stavridis, трио составено специјално за Скопскиот градски фестивал. Иако во Скопје за првпат засвиреа заедно, тројцата музичари од Македонија, Албанија и Грција на сцената функционираа како одамна изградена целина. Нивните различни музички искуства се споија во возбудлив и природен звук, во кој џезот, етното и медитеранските влијанија постојано се надополнуваа. Премиерата на делото создадено за фестивалот покажа колку интересна и автентична музика може да произлезе од една сосема нова уметничка средба.

Сосема поинаква концертна вечер донесоа пијанистката Милјана Николиќ со програмата „Балкански композитори“ и Мухамед Ибрахими со својот настап заедно со пијанистот Бобан Мирковски. Современата класична музика на автори од регионот и препознатливиот авторски израз на Ибрахими создадоа два различни музички света во една вечер и уште еднаш ја покажаа широчината на фестивалската програма.

Еден од концертите што остави најсилен впечаток беше настапот на Антонио Илиоски и Јана Лолова, со кој го промовираа албумот „Beyond The Silence“. Пред публиката поставија сериозен изведувачки предизвик – програма со дела од Брамс, Дебиси, Прокофјев и Шуман – и го донесоа со извонредна музичка сигурност и убедливост. Особено внимание привлече Антонио Илиоски: млад виолончелист со впечатлива техника, силно сценско присуство и интерпретативна зрелост која далеку ги надминува неговите години. Концертот беше едно од оние фестивалски откритија што најавуваат уметник од кого допрва многу ќе се слуша.

Една од најубавите слики на годинашниот фестивал дојде од летната сцена „Лепеза“ во Градскиот парк, каде настапи младата скопска група Фрекфенција, составена од ученици од основно училиште. Нивниот настап внесе поинаква енергија во фестивалот и покажа колку е важно простор да добијат и оние кои се на самиот почеток од својот музички пат.

Ова издание на фестивалот можеби најдобро покажа што сакаме Скопски градски фестивал да биде – место каде не се носат само готови концертни програми, туку се создаваат нови музички средби и соработки. Особено нè радува што видовме извонредни музичари од различни генерации и од шест земји на иста фестивалска сцена, а публиката со подеднакво внимание ги следеше многу различните концертни програми“, велат од Баги Комуникации.

По концертните вечери кои секоја на свој начин го одбележаа годинашното издание, во петок фестивалот ќе го заокружи Васко Атанасовски, еден од најпрепознатливите современи словенечки саксофонисти и композитори.

Во Скопје, Атанасовски ќе настапи со Полифонија, кој го сочинуваат врвните македонски музичари Сања Шуплевска – виолина, Гоце Вангеловски – виолина, Кристина Стојановска – виола, Александра Јаневска – виолончело и Гоце Маротов – контрабас.

Атанасовски зад себе има богата меѓународна концертна и дискографска кариера и препознатлив авторски јазик во кој се среќаваат џезот, импровизацијата и музичките традиции на Балканот. Со Полифонија ќе изведе свои авторски композиции и музика инспирирана од балканското музичко наследство, во концертот со кој ќе биде затворено седмото издание на Скопскиот градски фестивал.

Основан во 2020 година, Скопскиот градски фестивал во своите седум изданија изгради препознатлив програмски идентитет и свое место на домашната културна сцена. Повеќе од 100 уметници од Македонија и регионот досега биле дел од фестивалот, кој низ годините иницираше премиерни концертни проекти, нови уметнички соработки и средби на музичари, останувајќи доследен на идејата за квалитетна програма и отворен културен дијалог во регионот.

Концертот на Васко Атанасовски и Полифонија ќе се одржи во петок, 25 септември, во Камерната сала на Филхармонија.

Влезниците се достапни онлајн на платформата Wayin.mk.

Град Скопје. Во четврток терестрична дезинсекција против ларви од комарци

Wednesday, September 23, 2026 12:15 PM

Доколку временските услови не го дозволуваат вршењето на дезинсекцијата, ќе се прска првиот нареден ден кога временските услови ќе бидат поволни.

Се известуваат пчеларите навреме да ги преземат потребните мерки за заштита на пчелите.

Видео: Робот победи инфлуенсер во ММА-меч, еден удар беше одлучувачки

Wednesday, September 23, 2026 12:05 PM

Во борбата најавена како прв официјален дуел меѓу човек и робот, американскиот инфлуенсер Френки Лапена се соочи со Рекбот (Rekbot) – робот создаден од компанијата „Рек Роботикс“ (Rek Robotics).

Рекбот е висок околу 180 сантиметри, а неговиот изглед потсетува на Т-800 од филмскиот серијал „Терминатор“. Лапења успеа да зададе неколку удари за време на борбата, но роботот покажа дека нема само да се брани. Во еден момент, тој го удри инфлуенсерот со нога и го собори на земја.

Лапења остана да лежи во кафезот, а по борбата на неговото тело беа видливи модрици.

Натпреварот предизвика големо внимание на социјалните мрежи, каде што пристигнуваа бројни коментари од гледачи изненадени од глетката.

We just made history with the first Human VS Terminator robot fight. Frankie LaPenna gave it his all 🥊 More fight footage coming soon! https://t.co/iADpv9d8Wg
— REK (@REK) September 20, 2026

Иако сè наликуваше на сцена од научно-фантастичен филм, исходот беше реален: Рекбот го совлада човекот, а Лапења заврши на подот откако доби удар.

Видеото од борбата набрзо почна да кружи на интернет, а необичната средба отвори бројни прашања за тоа колку добро хуманоидните роботи ќе можат да ги имитираат човечките движења и да учествуваат во физички активности во иднина.

Видео-фото: Џеј Ло воодушеви во Милано, Ѓердан од 74 карати и фустан за кој зборува светот

Wednesday, September 23, 2026 11:56 AM

Латино дивата Џенифер Лопез се појави во италијанската престолнина на модата за време на Модната недела во Милано и, со внимателно одбран елегантен, но и впечатлив стајлинг – луксузен црн балски фустан достоен за модерна принцеза – ги остави сите без здив.

57 годишната, Џеј-Ло беше фотографирана како шета низ Милано во впечатлива креација во целосно црна боја. Скулптуралниот фустан со потпис на „Долче и Габана“ се одликуваше со припиен корсет инспириран од долната облека, украсен со нежна тантела и романтично, длабоко деколте.

Од половината, силуетата драматично се ширеше во раскошно здолниште со полна должина, прекриено со црни цветни апликации со тродимензионален ефект и блескави украси.

Jennifer Lopez walks the Vogue World runway in Milan. https://t.co/D4tp2qXUKJ
— The XO Show ™ (@latenightxoshow) September 23, 2026

Во еден момент, Џенифер Лаупер дури и заигра со еден маж од публиката и направи неколку вртења – погледнете како изгледаше тоа.

@voguemagazine From the block to the Galleria runway. #Jlo just walked #VogueWorld: Milan in #DolceAndGabbana ♬ original sound - Vogue

Ал Пачино повторно со поранешната партнерка 54 години помлада од него- Еве што ги спои повторно

Wednesday, September 23, 2026 11:45 AM

Поранешните партнери се појавија заедно во Лос Анџелес, а фотографијата и описот што ги објави Нур ја открија причината за нивното повторно обединување.

Холивудскиот великан, актерот Ал Пачино и неговата поранешна партнерка Нур Алфалах – која е 54 години помлада од него – повторно го привлекоа вниманието на јавноста со тоа што се појавија заедно во Лос Анџелес.

Легендарниот 86-годишен актер и 32-годишната продуцентка присуствуваа на отворањето на Музејот на наративна уметност „Лукас“, а Нур сподели нивна заедничка фотографија на Инстаграм.

Покрај фотографијата, таа остави краток, но впечатлив опис: – Мајката и таткото на Роман – напиша таа, додавајќи емотикон со црвено срце.

Со ова таа покажа дека, без оглед на природата на нивната моментална врска, ги поврзува нивниот тригодишен син Роман, кој се роди во 2023 година.

За таа пригода, и двајцата избраа црни комбинации, а нивната блискост повторно поттикна прашања за тоа каква е нивната врска денес.

Нејзината сестра, Софија Алфалах, во коментарите напиша „Вечерно излегување за родителите“, со што дополнително ја истакна нивната заедничка улога како родители.

Пачино и Нур претходно беа во романтична врска, но кога во интервју за списанието „Пипл“ (People) во 2024 година беше прашан дали е во врска, славниот актер одговори: „Не. Имам пријателски однос.“

Неговиот претставник тогаш исто така изјави дека Пачино и Алфалах останале добри пријатели и заеднички се грижат за својот син, Роман.

Робертсон проговори за целосниот распад во Ливерпул-„Бев на неговата свадба, а една недела подоцна тој почина“

Wednesday, September 23, 2026 11:35 AM

Диого Жота за жал почина минатата година на само 28-годишна возраст, во тешка сообраќајна несреќа заедно со својот брат Андре Силва.

Тоа беше тежок удар за неговите најблиски, но и за сите во Ливерпул. Енди Робертсон беше еден од неговите најблиски пријатели во клубот и нему сè уште му е тешко да зборува за тоа.

„Тешко е да се опише и да се зборува за она низ што сите поминавме. Беше ужасно. Ако зборуваме за новите засилувања... Новите играчи дојдоа во клуб чие срце беше скршено. Многу ми беше жал за нив. Дојдоа за големи пари – зборувам за фудбалот. Им требаа неколку месеци за да се прилагодат. Искрено, не ни беше грижа за фудбалот. Тоа беше вистината. Изгубивме еден од нашите најдобри пријатели од соблекувалната“, рече Робертсон, кој донекаде застана во одбрана на Флоријан Вирц, Александар Исак и скапите засилувања што пристигнаа во тоа време.

Andy Robertson on how Diogo Jota’s passing affected the club: “I felt so bad for the new guys who signed for big money… they couldn’t settle in for months…because we didn’t care about football…we lost our edge as a team…” https://t.co/Q6nY7aPl2A
— Watch LFC (@Watch_LFC) September 22, 2026

Тој призна дека најтешко му паднало тоа што претходно бил на свадбата на Жота – сите биле среќни и весели. А потоа... „Сите фудбалери го имаат тоа нешто, таа предност. А кога ќе го изгубите тоа, не можете да играте на највисоко ниво. Кога се навраќам на минатата сезона, гледам дека ја изгубивме решителноста. Се прашувавме: 'Која е поентата на сè? Погледнете го семејството и децата на Жота'. Бевме во жалост; тој за нас не беше само играч – беше навистина тешко. Само една недела претходно бев на неговата свадба – една од најтешките ситуации во мојот живот – а веќе следната недела го гледав неговото семејство скршено од болка.“

О.Аеродром: „Гола месечина“ повторно носи култура и забава во Аеродром

Wednesday, September 23, 2026 11:24 AM

Во рамките на тридневната фестивалска програма, посетителите ќе имаат можност да уживаат во разновидни културни и забавни содржини, меѓу кои музички настапи, стендап-комедија, кабаре, детска програма и други содржини наменети за сите генерации.

Со поддршката на фестивалот „Гола месечина“, Општина Аеродром продолжува да придонесува кон збогатување на културниот живот во општината и создавање можности за граѓаните да уживаат во квалитетни културни содржини.

Фестивалот „Гола месечина“ ќе се одржи на 25, 26 и 27 септември во паркот „Авионче“, а влезот за сите посетители е бесплатен.

Шасивари во план се средби и водење дијалог со сите парламентарни групи

Wednesday, September 23, 2026 11:14 AM

Да бидеме хумани: На Марко му е потребна помош!

Wednesday, September 23, 2026 11:09 AM

Тој зад него има две успешни операции на глава и желудник и има примено две терапии.

Марко сега треба да замине во Турција за да ја прими третата последна терапија за да може да продолжи да го живее животот исто како и неговите врсници на 15 години.

Потребни сер 6.000 евра.

Сите кои се во можност можат да донираат на:

143 482 за корисници на А1.

143 109 за корисници на Телеком.

Халк Банка: 270 700 122 675 849

Примач: Марко Џолевски

НЛБ Банка: 210 501 786 673 895

Примач: Марко Џолевски.

Тошковски: Има големни злоупотреби со боледувањата во државниот и во приватниот сектор

Wednesday, September 23, 2026 11:04 AM

ЗМЕП Трајков: “Владеењето на правото не е само дел од преговарачкиот процес, тоа е темел за создавање европска држава”

Wednesday, September 23, 2026 10:55 AM

„ Македонија останува целосно посветена на европскиот пат и на исполнувањето на неопходните реформи и критериуми. Во исто време, веруваме дека кредибилитетот на процесот на проширување најдобро се зајакнува кога секоја земја кандидат се оценува врз основа на сопствениот напредок и исполнувањето на заеднички договорените европски стандарди. Владеењето на правото не е само дел од преговарачкиот процес. Тоа е темел за создавање европска држава и за зголемување на довербата на граѓаните во институциите. Истовремено, свесни сме дека пред нас останува значајна работа и сериозни предизвици. Нашиот фокус во наредниот период ќе биде јасен: подобра имплементација, посилни институции и конкретни и одржливи резултати“, истакна заменик-министерката за европски прашања, Викторија Трајков, на дискусијата на Советот на општи работи на ЕУ во Брисел, каде, покрај за нашата земја, се разговараше за напредокот на полето на владеење на правото и во Албанија, Црна Гора и Србија.

Истакнувајќи ја посветеноста кон продлабочување на реформите во областа на владеењето на правото, Трајков потенцираше дека во изминатиот период се направени значајни чекори во сите области опфатени со Извештајот за владеење на правото за нашата земја.

„Нашиот пристап е јасен – реформите не ги спроведуваме само заради исполнување на формални критериуми, туку пред сè заради нашите граѓани, со цел да обезбедиме стабилна, просперитетна и европска иднина. Во областа на правосудството, продолживме со спроведување на реформите насочени кон зајакнување на независноста, професионалноста и ефикасноста на судството и обвинителството. Во оваа насока, презедовме и законодавни и институционални чекори за унапредување на правосудниот систем и негово понатамошно усогласување со европските стандарди“, рече заменик-министерката Трајков, додавајќи дека целта е натамошно јакнење на институционалните капацитети, човечките ресурси и условите за независно и ефикасно функционирање на правосудните институции.

Говорејќи за борбата против корупцијата, таа нагласи дека се продолжило во насока на зајакнување на превентивните и институционалните механизми, со посебен фокус на транспарентноста, интегритетот и отчетноста на јавните институции и дека Новата Национална стратегија за спречување на корупцијата и судирот на интереси 2026–2030 претставува значаен чекор во оваа насока.

„Донесовме и унапредивме законски решенија со цел да се зајакне системот за превенција и борба против корупцијата и да се создадат поефикасни механизми за постапување во случаи на организиран криминал и корупција. Воедно, спроведуваме реформи во казнената политика со цел поефикасно откривање, процесуирање и санкционирање на овие кривични дела, во согласност со европските стандарди“, истакна Трајков.

Заменик-министерката за европски прашања, Викторија Трајков се осврна и на пристапниот процес, оценувајќи дека тој треба да продолжи да се темели на јасни, објективни и предвидливи критериуми.

„Добрососедските односи и отворениот дијалог се суштински дел од европскиот проект и ние остануваме посветени на нивното унапредување. Сметаме дека отворените прашања најдобро се решаваат преку дијалог, взаемно почитување и европски дух. Веруваме дека токму таквиот пристап ја прави политиката на проширување посилна и покредибилна и испраќа јасна порака дека реформите, постигнатите резултати и исполнувањето на европските стандарди се основата на патот кон членството во Европската Унија“, заклучи заменик-министерката за европски прашања Трајков на крајот од своето обраќање.

Американскиот Балкански трговски центар започнува стратешка соработка со Трговската комора на Илиноис

Wednesday, September 23, 2026 10:45 AM

Американскиот балкански трговски центар (AБTC) официјално потпиша договор за стратешко партнерство со Трговската комора на Илиноис, означувајќи важен нов чекор во мисијата на организацијата за зајакнување на деловните врски и создавање нови можности меѓу Соединетите Американски Држави и Балканскиот регион.

Договорот за партнерство беше потпишан во понеделник попладне, со што AБTC се приклучи на деловната мрежа на Стопанската комора на Илиноис низ целата држава. Партнерството отвора врата за поголема соработка, проширени деловни врски и дополнителни ресурси за Балканско-Американските претприемачи и бизниси низ целиот Илиноис и Америка.

Комората на Илиноис ја поздрави AБTC како организација фокусирана на градење силни односи, создавање деловни можности и зајакнување на врските меѓу Американските и Балканските заедници.

„Ви благодариме што го градевте Вашиот живот и бизнис овде во Илиноис. Тука сме да ви помогнеме и да работиме заедно за да го изградиме Американскиот сон за кој работевте толку напорно“, рече Џими Клејтон, извршен директор на Трговската комора на Илиноис.

„Лично сакам да им се заблагодарам на Ник и на неговите партнери што станаа партнери на Комората на Илиноис уште од првиот ден. Ова е инзвонредно партнерство и можете да видите колку Ник се грижи за луѓето со кои работи и за партнерите околу него“, додаде Клејтон.

За AБTC, ова стратешко партнерство претставува важна можност за проширување на својата работа и создавање посилни економски врски меѓу Балканските бизниси и Американската бизнис заедница.

„Ова е голем ден за Американскиот Балкански трговски центар. Ова е уште еден чекор кон градење иднина за луѓето од Балканот тука во Америка“, рече Никола „Ник“ Андреевски, еден од основачите на AБTC.

„Тоа значи дека можеме да обезбедиме поголема поддршка, да создадеме повеќе можности и да изградиме моќни, долгорочни економски врски за Балканските бизниси тука во Америка како и за Американските бизниси, додаде Андреевски.

Трговската комора на Илиноис е независен глас на бизнисите во Илиноис, застапувајќи политики дизајнирани да поттикнат конкурентна деловна клима низ секторите низ целата држава. Нејзината агенда се фокусира на економски раст, развој на бизнисот и зајакнување на Илиноис како место за градење и раст на бизниси.

Американскиот Балкански трговски центар (AБTC) е непрофитна организација со претставништва во Чикаго, Илиноис, Мајами, Флорида и Њујорк, но е распространет низ цела Америка. AБTC е посветен на градење мост помеѓу Соединетите Американски Држави и Балканските земји преку создавање значајни врски, зајакнување на професионалните мрежи и поттикнување можности за соработка помеѓу Американските и Балканските заедници.

На церемонијата на потпишување присуствуваа Џими Клејтон , извршен директор на Стопанската комора на Илиноис; Лаура Ортега-Ламела , заменик директор на Стопанската комора на Илиноис; Никола ,,Ник" Андреевски , основач на AБTC; Лука Јовановиќ , основач на AБTC; Бобан Попевски , основач и претседател на AБTC; Филип Миливојевиќ , основач на AБTC; Адриан Муравски , член на Советодавниот одбор на AБTC; и Филип Јотевски , извршен директор на AБTC.

Новото партнерство претставува уште еден чекор напред за AБTC, бидејќи работи на поврзување на бизнисите, претприемачите и заедниците и градење посилни, долгорочни економски односи меѓу Соединетите Американски Држави и Балканот.

О. Карпош: Младите Марин и Ена Ивановски со значајни скијачки успеси

Wednesday, September 23, 2026 10:35 AM

Марин Ивановски, ученик во осмо одделение во ООУ „Димо Хаџи Димов“, во сезоната 2025/2026 година е прогласен за државен првак во дисциплините слалом и велеслалом, како и за првопласиран во генералниот пласман на Алпскиот куп при Скијачката федерација на Македонија (СФМ) во категоријата до 14 години.

На меѓународните натпревари, Марин го освои второто место на ФИС-трка за деца до 14 години во дисциплината велеслалом, додека во слалом, на натпреварот во Арџена, Косово, се пласираше на третото место. Успешна сезона има и Ена Ивановска, поранешна ученичка во ООУ „Димо Хаџи Димов“, која е првопласирана во генералниот пласман на Алпскиот куп при СФМ во дисциплините слалом и велеслалом. Марин и Ена се долгогодишни членови на Ски-клубот „Меденица“ – Скопје, кој е прогласен за најдобар клуб во алпско скијање во земјава.

Општина Карпош им упатува честитки на Марин и Ена Ивановски за постигнатите резултати и им посакува нови успеси во идните натпреварувања.

Герасимовски: Финишираме со „Ленинова“, се реконструираат последните 250 метри од сообраќајницата

Wednesday, September 23, 2026 10:25 AM

Во тек се градежни активности на последната делница во должина од 250 метри. Со реконструкцијата се предвидува уредување на коловозот и на пешачките површини, поставување нови рабници, подигнување и нивелирање на сливниците и уличните шахти, како и реконструкција на мрежата за јавно осветлување. Предвидено е и поставување ново урбано зеленило.

Со оваа фаза се комплетира целосната реконструкција на „Ленинова“, со вкупна должина од над 600 метри, со што улицата добива уреден, функционален и современ изглед, приспособен на потребите на жителите, пешаците, велосипедистите и возачите.

„Ленинова е важна сообраќајна артерија што го поврзува централното градско подрачје. Во програмата ветив обнова на патната инфраструктура во Центар и тоа ветување се остварува. Со оваа реконструција создаваме поквалитетен, пофункционален и побезбеден јавен простор за сите граѓани“, порача градоначалникот на Општина Центар Горан Герасимовски.

Првиот дел од улицата „Ленинова“ беше саниран во 2023 година, на потегот од бул. „Партизански одреди“ до бул. „Митрополит Теодосиј Гологанов“, a со тековниот зафат целосно се комплетира проектот.

Братот, Спенсер открива што му рекол Принцот Чарлс по смртта на Дијана: „Му ја спуштив слушалката“

Wednesday, September 23, 2026 10:15 AM

„Кога сум на островот, се разбира, чувствувам тага, но и мир. Гробот на Дијана е многу мирно и убаво место. Тоа е место каде што можам да размислувам за загубата, но и да уживам во природната убавина што ме опкружува. Таа е дома“, изјави Чарлс Спенсер во интервју за списанието „Пипл“ (People).

Спенсер, кој беше многу близок со својата сестра, ги објави мемоарите насловени „Лебедова песна: Дијана, мојата сестра“ (Swan Song: Diana, My Sister), во кои се осврнува на нејзиното детство, животот во кралското семејство и настаните по нејзината смрт во 1997 година.

Еден од најконтроверзните делови од книгата се однесува на разговорот што Спенсер го водел со тогашниот принц Чарлс, кратко по смртта на Дијана.

Во тоа време, Спенсер живеел во Јужна Африка со четири мали деца и се обидувал да организира враќање во Британија. Тогаш му се јавил Чарлс.

„Веќе неколку часа знаев дека Дијана починала. А потоа тој се јави и – за жал, морам да кажам – звучеше едноставно воодушевено.

Беше неверојатно чудно“, рече Спенсер.

Тој додаде дека може само да претпоставува што се крие зад таквата реакција.

„Можеби чувствуваше дека сега конечно ќе може да се ожени со жената што ја сакаше, Камила Паркер Боулс, но тоа е само моја претпоставка“.

Бакингемската палата објави ретко соопштение во врска со наводите во книгата, наведувајќи дека болката од загубата на член на семејството може да влијае врз расудувањето и сеќавањата дури и со години подоцна.

Спенсер се присети и на разговорот со Чарлс околу организацијата на погребот на Дијана.

Особено го погодила одлуката принцовите Вилијам и Хари да чекорат зад ковчегот на нивната мајка.

„Кога ми кажаа дека Вилијам и Хари ќе чекорат зад ковчегот на мајка им, веднаш реков: 'Не, нема'. Тоа е ужасна идеја. Едноставно нема никаква смисла.“

Спенсер сметал дека Дијана не би го сакала тоа и се сеќава дека неговата сестра го одредила за старател на нејзините синови, иако тоа старателство немало правна важност.

Набрзо потоа, самиот Чарлс му се јавил по телефон. „Тој рече: 'Слушам дека имаш проблем со погребот'. Ме праша дали сакам Вилијам и Хари да чекорат зад ковчегот.

Одговорив: 'Се разбира дека не. Дијана не би го сакала тоа'“, се присети Спенсер.

Чарлс тогаш потсети дека и тој чекорел зад ковчегот на својот вујко, лорд Маунтбатен. „Му реков: 'Да, но ти имаше 30 години, а тој не ти беше мајка'.“ Според Спенсер, Чарлс тогаш бурно реагирал.

„Тогаш тој рече: 'Наскоро ќе заборавиме на неа'. Тоа навистина ме шокираше и згрози.

Му реков: 'Не можам да верувам дека го кажа тоа' и ја прекинав врската“, открива Спенсер.

Кога сега го прашуваат каков е неговиот однос со кралот Чарлс, Спенсер одговара: „Го гледам како поранешен зет на моето семејство. Сега навистина немам никаков контакт со него. Го гледам на семејни свадби и слични настани, но тој едноставно не е дел од мојот живот, ниту пак јас сум дел од неговиот. На крајот на краиштата, семејството си е семејство и во секое семејство постојат различни тензии, радости и проблеми“, истакнува тој.

Зеленски: „Подготвен сум за средба со Путин“

Wednesday, September 23, 2026 10:05 AM

Во изјава за „Скај њуз“, Зеленски истакнал дека најважно е тоа што Трамп може да организира трилатерална средба на која би се разговарало за „сите чувствителни теми“ што би можеле да придонесат за завршување на војната.

На прашањето дали е подготвен да се сретне со Путин, Зеленски одговори дека е „подготвен“ и оти средбата би можела да се одржи „во секое време, кога сите страни ќе бидат подготвени“.

Зеленски изјави дека Трамп не му поставил никакви барања за време на денешниот разговор, но напомена дека двајцата лидери претходно разговарале за барањата на Вашингтон кон Киев.

Зборувајќи за разговорот со Трамп, Зеленски рече дека разговарале и за можноста за енергетско примирје меѓу Украина и Русија. Тој изјави дека Киев е подготвен за каков било формат на такво примирје, под услов Русија да не го напаѓа украинскиот енергетски систем. „Подготвени сме за каков било формат на енергетско примирје... За сè што е поврзано со енергетиката, сè“, рече Зеленски. Тој им се заблагодари на Трамп и на американските власти и додаде дека Вашингтон ќе ја пренесе позицијата на Киев до Москва.