Рома убедлива против Торино

Екипата на Рома оствари победа од 4:1 на вечерашниот дуел од 25.коло на Серија А против Торино. Играчите на Рома без проблем стигнаа до трите бодови, а триумфот беше најавен на самиот почеток со головите на Един Џеко во 10.минута и на Мохамед Салах во 17.минута. Во вториот дел Рома зголеми на 3:0 преку Леандро Паредес во 65.минута, а Макси Лопез намали на 3:1 во 84.минута. Конечните 4:1 ги постави Раџа Наинголан во 90+1 минута.

Триумф на Карпош Соколи во Лимак Купот на Македонија

Кошаркарите на Карпош Соколи го освоија првиот трофеј откако вечерва во финалето на Лимак Купот на Македонија го совладаа Фени Индустри со 80:69 (21:20; 21:17; 13:15 и 25:17).

Манчестер Јунајтед избори четвртфинале во ФА купот

Бранителот на трофејот во ФА купот Манчестер Јунајтед обезбеди пласман во четвртфиналето на ова натпреварување откако попладнево како гостин со пресврт го победи Блекбурн со 2:1.

Прв трофеј во Купот на Македонија за кошаркарките на Вардар

Кошаркарките на Вардар со победата од 69:65 над Бадел за првпат во клупската историја го освоија Купот на Македонија. Ова беше трето финале за Вардар по 2001 и 2011 година.

Tурнир во забрзан шах „АЛКАЛОИД 2017“

Традиционалниот отворен меѓународен турнир во рапид темпо „Алкалоид 2017“ собра рекорден број учесници, 198, од пет држави. По одиграните девет кола, на врвот на турнирската табела со ист број поени, 7,5, се најдоа четворица шахисти: велемајсторите Петар Дренчев (Бугарија), Милош Перуновиќ (Србија), Интермајсторите Филип Панчевски (член на ШК Алкалоид и актуелен Шампион на Македонија) и Златановиќ Борољуб (Србија).

Победи за Вардар и Шкендија

Водечките екипи во Првата фудбалска лига Вардар и Шкендија остварија победи на домашен терен на дуелите од 19.коло (прво во вториот дел) од шампионатот. Првакот Вардар поради казна дуелот со Шкупи го одигра без присуство на гледачи, а оствари победа со 3:0.